İnsan İslam Ahlak

  Yâ Rabbi Kerem Eyle Bu Şehr-i Sıyâm İçre   Yâ Rabbi kerem eyle bu şehr-i sıyâm içre; Kullarına rahm eyle bu şehr-i sıyâm içre…   Biz derdliye dermân et 'âsîlere gufrân et; İhsân-ı firâvân et bu şehr-i sıyâm içre…   Şunlar ki olur sâim tâ'atde olur kâim; İster keremin dâim bu şehr-i sıyâm içre…   'Âbidler olur ma'mûr 'ârifler olur pür-nûr; Mahvi olagör mağfûr bu şehr-i sıyâm içre…   Îsâ Mahvî Kuddise Sırruh

  Mü’minlerin Bayrâmıdır Geldi Yine Şehr-i Sıyâm   Mü’minlerin bayrâmıdır geldi yine şehr-i sıyâm Belki Hudâ'nın nâmıdır geldi yine şehr-i sıyâm   Bu ümmete lutf u 'atâ affolunur her bir hatâ Hakk'ın bize in'âmıdır geldi yine şehr-i sıyâm   Rahmetle gufrân andadır her türlü ihsân andadır "Es-savmu lî" encâmıdır geldi yine şehr-i sıyâm   Tamudan âzâd eylemek cennetle dilşâd eylemek Bu günlerin ikrâmıdır geldi yine şehr-i sıyâm   Bu aydadır ey mü'min inzâl-i Kur`ân-ı Mübîn Dîn-i celîl ahkâmıdır geldi yine şehr-i sıyâm   Kadrin bilen buldu şeref bu farkı etme telef Savm u salavât eyyâmıdır geldi yine şehr-i sıyâm   Kur`ân oku eyle salavât îfâ edilsin hem zekât Hayr etmenin hengâmıdır geldi yine şehr-i sıyâm   Remzi hakîr sâim ol ağyârı terk et yârı bul Bayrâmların bayrâmıdır geldi yine şehr-i siyâm   Ahmed Remzi Dede Kuddise Sırruh