Bed' Olunsun Besmeleyle Hamdeleyle Evsatı
Bed' Olunsun Besmeleyle Hamdeleyle Evsatı Bed' olunsun besmeleyle hamdeleyle evsatı Salavatullah hatm olunsun bula cânlar izzeti Çok salât ile selâm olsun Resûlü Ahmed'e Bu kadar isyân ile bizlere demiş ümmetî Sad-hezârân âlini evlâdını ashâbını Fâtihayla yâd edelim kıla Hak çok rahmeti Çâr-ı Yâr’ı ol Ebû-Bekr ü Ömer Osman Ali Sâyesinde anların buldu bu İslâm kuvveti Geldi bunca âlim ü fâzıl meşâyih kâmilîn Hep merâtib üzredir bu âlemin devriyyeti Sâni'in sun'unda cümle mest ü hayrân oldular Seyr edip vahdet yüzünden görmediler kesreti Ehl-i dünyâyı görüp bir bir temâşâ ettiler Hep esîr etmiş oları hubb-u dünyâ illeti Cümle âlem kabza-i kudretdedir çün gördüler Her biri bir âlet olmuş dönderir bu fülketi Gördüler kim içlerinde bazı derdliler gezer El çekip işbu cihândan eylemişler uzleti Çıkmağa derbân bırakmaz cenge yok tâkatleri Nâtüvân olmuş çeker bunlar belâ-yı mihneti Her ta